學生感想

我彈遇見, 係前所未有既有滿足感

分享者cheapbombom於2008-07-16發表 

上個月, 我心思思上網睇左佢一段鋼琴示範 - 孫燕姿既遇見, 4分鐘左右啦, 教你點配chord, 同一條片我幾乎番睇左十次, 略略領略到便打開個琴試下試下...

我練了大概大半小時, 居然真的可以彈到佢既水準, 開心到彈起...原來佢地di速成方法, 係work嫁...

我十年前學過3級, 之後擺低左啦.....多年來間中都想再學, 但每次總是維持不到3個月又放棄, 因為睇五線譜好弱, 練極都無明顯進步...

可以咁講, 我彈遇見, 係前所未有既有滿足感...一來不用看譜, 二來di chord又真係幾鬼夾, 我老公即時鼓勵我報名...

上左第一堂工作坊, 我係跟一位死黨一齊去上的, 大家都係十年前學過琴, 之後放底左, 但係又唔心息, 成日想自娛一番, 我都係由佢介紹我上這個課程嫁咋!

一句講晒, 好掂! 我放低左琴都有十年, 跟本好初級既五線譜寫既歌仔, 都彈唔掂....第一堂講左好多配chord同和弦進行既理論, 即堂教配陳百強既...幾分鐘的約會(地下鐵碰著他...)回家練了半小時, 已經可以成首完成。 老公話, 你幾時咁勁嫁....Yeah Yeah Yeah! 真係唔洗點睇譜!

我份人心急, 又試彈左他約我去迪士尼, 童話, 終身美麗...真係好得啊, 尤其係他約我去迪士尼, 用左和弦進行去件奏, 變化都幾大.....彈起上黎好正...

課程有教我地自行配chord的技巧, 啊sir好鼓勵我地要學識, 以後跟本唔需要買琴譜啦....

...上完堂第二日, 我打比個朋友, 問佢彈成點? 大家係電話上互相彈比對方聽, 不約而同都覺得對方彈得好好....去表演啦....

啊Sir講得啱, 彈琴要彈得開心, 才有動力去練, 又不用看豆豉, 真是一大樂事...


標籤: 怕看譜 重燃興趣 表演   




© 2006-2021 香港流行鋼琴協會 (US)  更新日期:2021年6月18日  版權所有 抄襲必究